“अपरिचितको लागि कसले पो सम्पत्ति छाड्छ र?”तर बलिउड अभिनेता सञ्जय दत्तको जीवनमा भने यस्तो असाधारण घटना भएको छ, जसले धेरैलाई अचम्ममा पार्दिन्छ।
एक महिलाले आफ्नो जीवनको अन्तिम समय सञ्जय दत्तप्रति अतुलनीय श्रद्धा व्यक्त गर्दै ७२ करोड रुपैयाँ बराबरको सम्पत्ति उनको नाममा छोडेकी थिइन्।
सञ्जय दत्तले हालै कर्ली टेल्ससँगको कुराकानीमा यो घटना पुष्टि गर्दै भने,“हो, त्यो सत्य हो। तर मैले त्यो सम्पत्ति उनकी परिवारलाई फिर्ता गरिदिएँ।”
को थिइन् ती महिला?
सन् २०१८ मा निधन भएकी निशा पाटिल, मुम्बई निवासी एक ६२ वर्षीया महिला, गम्भीर रोगसँग जुधिरहेकी थिइन्।जीवनको अन्त्य नजिकिँदै गर्दा उनले आफ्नो सम्पत्ति सञ्जय दत्तको नाममा हस्तान्तरण गर्न बैंकलाई निर्देशन दिएकी थिइन्।
जब सञ्जयलाई यो कुरा थाहा भयो, उनी छक्क परे।सञ्चारमाध्यमहरूमा यो खबर सार्वजनिक भएपछि निशा पाटिल एकाएक चर्चामा आइन्।तर सञ्जय दत्तले सम्पूर्ण सम्पत्ति उनकी परिवारलाई फिर्ता गरिदिए।यो कदमले सञ्जय दत्तको मानवीय पक्ष फेरि एकपटक उजागर गर्यो।
स्टारको यात्रा : फ्यानबाट सम्मान
सञ्जय दत्तले सन् १९८१ मा फिल्म ‘रकी’ बाट बलिउडमा डेब्यू गरेका थिए।कुनै समय विवाद र कानुनी झमेलामा मुछिए पनि उनले अभिनय यात्रालाई निरन्तरता दिएका छन्।
हालै ‘द भूतनी’ र ‘हाउसफुल ५’ जस्ता फिल्म रिलिज भइसकेका छन्।चाँडै रिलिज हुने फिल्महरूमा ‘अखंड २’, ‘धुरंधर’ र ‘द राजा साब’ छन्।त्यस्तै, सन् २०२६ मा आउने कन्नड फिल्म ‘केडी–द डेभिल’ मा पनि उनी मुख्य भूमिकामा देखिनेछन्।
फ्यानको माया: कति गहिरो?
यो घटना केवल एक कलाकारप्रतिको माया मात्र होइन, भावनात्मक नाता हो – जुन कहिलेकाहीँ रगत वा भेटमा होइन, श्रद्धा र सम्मानबाट बनिन्छ।सञ्जय दत्तको व्यवहारले यो पनि देखायो कि सच्चा स्टार सधैं भव्य पर्दामा मात्र होइन, व्यक्तित्वमा पनि चम्किन्छ।
प्रतिक्रिया
सम्बन्धित खवर
